Este martes 28 de abril celebrouse a entrega de diplomas do curso de lingua de signos organizado polo Concello de Rianxo. As persoas participantes (unha ducia) recibiron unha formación de 30 horas correspondente ao nivel A1.A. As sesións viñeron da man do Servizo de Xuventude municipal. O curso desenvolveuse dende o 17 de marzo ao 28 de abril.
O nivel A1 de Lingua de Signos Española (LSE) é o primeiro chanzo de usuario básico, deseñado para principiantes sen coñecementos previos. Os contidos achegan capacitación para comunicarnos en situacións cotiás, signar datos persoais, saudar e usar vocabulario elemental.
