Este xoves 30 de abril celébrase no Pazo de Goiáns a cuarta edición do Concurso Barista de Centros de Educación Especial, a partir das 10.45 horas.
O Concello de Boiro colabora coa celebración dun evento que organiza novamente o CEE López Navalón.
A concelleira de Cultura, María Outeiral, participou os días pasados na presentación xunto con Alfonso Aguado, de Cafés Templo, e Juan Carracedo, do centro organizador.
Explicaron que estamos un campionato práctico que se celebra na especialidade de servizos de restauración dos programas formativos de centros de educación especial de toda Galicia.
Nesta edición participan o CEE Manuel López Navalón (Santiago de Compostela), o CEE Infanta Elena (Monforte de Lemos), o CEE Paxón (Nigrán), o CEE Saladino Cortizo (Vigo), o CEE Maria Mariño (A Coruña), o CEE Terra de Ferrol (Ferrol), o ACEESCA (Porriño) e o CI Burlada (Navarra).
O alumnado de cada escola fará varias elaboracións a base de café. O campionato comezará ás 10.45 horas e será retransmitido mediante a canle de YouTube de Cafés Templo. Ademais do propio concurso haberá talles de cocteleira, decoración de tortas e elaboración de mousse.
