O 5, 6, 12 e 13 de marzo a ANPA O Caramecheiro do IES Nº1 de Ribeira levará a cabo no dito centro educativo de Ribeira (Coroso) unha actividade formativa para mellorar a calidade de vida da mocidade: o obradoiro físico-mental Tai-Chi para adolescentes: educación corpo e mente.
A ANPA explicou que “empregaremos este arte marcial chino de interese para o alumnado para conseguir promover o seu benestar físico, emocional e postural. Adquirindo equilibrio, coordinación, forza, resistencia, control corporal, serenidade, relaxación, paciencia e presenza, autocoñecemento corporal, regulación emocional, confianza e autoestima, a que lles axudará a previr tensións e estrés”.
Esta actividade consta de 2 sesións de 50 minutos cada unha por grupo, impartida no ximnasio do centro educativo.
Haberá sesións adaptadas, participativas e dinámicas, e serán accesíbeis a todo tipo de condición física “nun ambiente seguro e respectuoso”. Está dirixido a dous centos alumnos e alumnos da ESO e Bacharelato.
Esta actividade, organizada pola ANPA e subvencionada pola Deputación da Coruña, atende á demanda do Departamento de Educación Física do IES Nº1 para ampliar e complementar os contidos de control corporal, benestar físico e expresión corporal da materia de Educación Física.
