O Concello de Noia informou de que xa están dispoñíbeis as entradas para a representación de Os dous de sempre no Coliseo Noela. Trátase dunha proposta teatral da agrupación Mofa e Befa baseada nos personaxes creados polo rianxeiro Castelao: Pedriño e Rañolas, dous amigos inseparábeis e antagónicos (un soñador idealista fronte a un materialista conformista) nun espectáculo cheo de humor, crítica e reflexión. Xuntos representan a oposición clásica entre corpo e alma, estómago e corazón, presente en numerosas duplas da literatura e do humor universal.
Será no Teatro Coliseo Noela de Noia o 28 de febreiro ás 20.30 horas, cunha duración aproximada e 90 minutos
As entradas tamén se poden adquirir o día da función, no portelo do Teatro: de 19:30 a 20:15 h
Prezos:
Tarifa normal: 5,00 € + gastos de xestión.
Tarifa reducida (estudantes e persoas xubiladas): 4,00 € + gastos de xestión.
Trátase dunha peza teatral de Producións Teatrais Excéntricas protagonizada por Mofa e Befa, dúo integrado por Evaristo Calvo e Víctor Mosqueira, xunto a Josito Porto.
