O Auditorio de Muros volve a apostar polo cinema de máxima actualidade e por achegar á veciñanza as estreas que tamén poden desfrutar nas grandes cidades. Esta fin de semana proxecta Aída y vuelta e Como cabras nunha nova fin de semana de cinema para todos os públicos
As sesións terán lugar de venres a domingo no Auditorio do Centro Cultural e Xuvenil de Muros.
Aída y vuelta, dirixida por Paco León e protagonizada por parte do elenco da coñecida serie, sitúa a acción no rodaxe dun episodio da ficción televisiva, combinando as tramas dos personaxes co que acontece fóra da cámara.
As sesións serán o venres 20 e sábado 21 de febreiro ás 20:30 horas, e o domingo 22 ás 19:00 horas. A película non está recomendada para menores de 12 anos.
Para o público infantil e familiar, o auditorio proxectará Como cabras (GOAT), unha aventura de animación que conta a historia de Will, unha pequena cabra que recibe a oportunidade de xogar ao rugebol profesional, un deporte de alta intensidade dominado polos animais máis fortes e rápidos.
As sesións celebraranse o sábado 21 e domingo 22 de febreiro ás 17:00 horas.
A concelleira de Cultura, Caridad González Cerviño, destacou que “esta programación permite ofrecer cine para distintos públicos na mesma fin de semana, combinando unha proposta para adultos cunha película familiar pensada para compartir”.
As entradas están dispoñíbeis na billeteira electrónica do Concello de Muros e nas oficinas do Centro Cultural e Xuvenil de Muros.
