O Concello de Noia vai celebrar este 23 de febreiro o Día de Rosalía. Farao na Casa da Cultura Antón Avilés de Taramancos cunha programación especial para celebrar “a nosa poeta máis universal”, con actividades culturais e unha proposta gastronómica moi especial. A axenda dará comezo ás 19.00 horas. Inclúe unha charla e un recital poético coa participación de Ana Blanco (Fundación Rosalía), Chelo Martínez (Concelleira de Cultura), Lucía del Puerto (Club de Lectura María Mariño) e o grupo de teatro Teatreiras Merendeira, entre outras persoas participantes.
Tamén haberá ao longo destes días degustacións do Caldo de Gloria de Rosalía (como parte do menú do día) en diferentes establecementos hostaleiros: o venres no Mesón Xiada, o sábado no Restaurante Mesturas e Mesón Xiada, o domingo no Restaurante Mesturas e o luns no Restaurante Elisardo. Ademais, o luns tamén como tapa no Mesón Senra!
