Galiciasenderismo.com organiza este 21 de febreiro un percorrido de lecer polo concello de Noia: a Ruta das Mareas + Visita ao Museo do Mar de Noia. Ser á a partir das 9.30 horas, con punto de encontro no porto de Testal. O roteiro presenta unha dificultade media alta e consiste nun percorrido circular de aproximadamente dez quilómetros. Permitirá ás persoas participantes descubrir o banco marisqueiro da Misela, paisaxes costeiras únicas e rematar cunha visita ao Museo do Mar. Trátase, en palabras da organización, “dunha experiencia de sendeirismo en grupo con guía titulado, seguros incluídos e moi bo ambiente”. O prezo será de dez euros por participante. Quen precise máis información pode chamar ao teléfono 609 531 105 (Sindo). As inscricións pódense formalizar a través da web de Galiciasenderismo.com.
