Arrinca a semana baixo a influencia dunha borrasca que deixará unha xornada do luns 16 plenamente invernal nas Rías Baixas e en Santiago. A fronte fría asociada ao sistema atravesará o norte do país durante a primeira metade do día, mais os seus efectos notaranse tamén con intensidade no suroeste e no interior.
Nas Rías Baixas, a mañá estará marcada por ceos cubertos e chuvias persistentes, por momentos de certa intensidade, especialmente nas primeiras horas. Co avance da tarde poderían abrirse pequenos claros intermitentes, aínda que a inestabilidade seguirá presente. O vento soprará de compoñente oeste moderado, con intervalos fortes no litoral, deixando unha sensación térmica máis baixa malia o ascenso das temperaturas mínimas.
En Santiago de Compostela, a xornada tamén será pasada por auga. As precipitacións serán continuadas durante a mañá, coincidindo co paso da fronte, e tenderán a ser máis intermitentes pola tarde. As temperaturas experimentarán unha lixeira subida, sobre todo nas mínimas, o que fará que o ambiente sexa menos frío nas primeiras horas do día en comparación con xornadas anteriores.
En conxunto, Galicia vivirá un luns gris e húmido, con protagonismo da chuvia e do vento, nun inicio de semana claramente marcado pola inestabilidade atmosférica.
A PARTIR DO XOVES ENTRAMOS EN SITUACION DE ALTAS PRESIONS CON SOL E TEMPERATURAS QUE EMPEZAN A SUBIR:
O noso mar: Vento do oeste á mañá e do sudoeste á tarde e á noite, forza 4 a 5 á mañá e 3 a 5 á tarde e á noite. Forte marusía á mañá e marusía á tarde e á noite. Visibilidade mala. Mar de fondo do noroeste, con ondas de 2 a 3 metros.
