A Asociación de Empresarios de Ribeira (AER) informou do comezo da súa Campaña de San Valentín, que se vai desenvolver dende este luns 2 de febreiro ata o vindeiro sábado 14 co obxectivo de dinamizar a actividade do tecido comercial local e recompensar a fidelidade das e dos clientes no marco da romántica festividade do día 14.
O funcionamento da campaña será coma noutras ocasións: os clientes que fagan as súas compras nos establecementos locais participantes deberán escanear o código QR da cartelería ou entrar na páxina web da asociación e subir os tíckets de compra realizados entre esas datas.
Con cada tícket participarán no sorteo de dúas ceas para dúas persoas.
O sorteo realizarase o día 16 no local da asociación.
A campaña busca incentivar as compras de San Valentín no comercio local de Ribeira, premiando a quen elixe os establecementos de proximidade co sorteo de dúas ceas románticas para dúas persoas.
