A asociación de desenvolvemento local Deloa vai organizar este martes 24 unha xornada en Muros para explicar as axudas LEADER 2026, destinadas a entidades públicas de carácter local ou comarcal e a persoas físicas ou xurídicas de carácter privado, incluíndo a entidades sen ánimo de lucro, comunidades de montes veciñais en man común e as súas mancomunidades. A cita será este martes 24 de febreiro ás 19:00h na Fábrica de Sel. Intervirán Maria Lago, alcaldesa de Muros; Irene, técnica de Deloa; Alba Fernández, de A Maceta, Espazo de Coworking e Acción Cultural, e Charo, de Alojamientos Miraflores.
No transcurso da sesión expoñeranse exemplos de proxectos subvencionados no concello muradán e as distintas tipoloxías de proxectos que teñen cabida nestas axudas: creación de pequenas empresas, implantación dunha actividade agrícola, gandeira ou agroforestal, transformación e comercialización de produtos agrarios, investimentos de natureza produtiva ou proxectos de rehabilitación do patrimonio cultural entre outros.
