O venres 2, San Basilio Magno e San Gregorio, Galicia quedará baixo a influencia da borrasca Francis, situada ao oeste de Portugal. A xornada será inestable, con presenza de chuvias intermitentes. As temperaturas experimentarán un notable ascenso ( 9 graos de mínima e 16 de máxima). O vento soprará moderado do sueste, aumentando a forte a últimas horas do día, especialmente na metade norte.
Fin de semana con alternancia de nubes e claros e baixa da temperatura.
O noso mar: Vento do leste á mañá e á noite e do sueste á tarde, forza 4 a 5 á mañá, 3 a 4 á tarde e 3 a 5 á noite. Forte marusía á mañá e marusía á tarde e á noite. Visibilidade regular. Mar de fondo do sudoeste á mañá e á tarde e oeste á noite, con ondas de 1.5 a 2 metros á mañá e 2 a 3 metros á tarde e á noite.
