Chega a borrasca Goretti cunha cicloxénese explosiva que deixará vento, ondas e choiva no norte
Este xoves 8, San Severino, Galicia verase afectada polo paso dunha fronte fría activa asociada á borrasca Goretti, situada ao suroeste de Irlanda. A xornada estará marcada por ceos parcialmente nubrado e precipitacións que avanzarán da costa o interior o longo do día. As choivas serán máis persistentes e intensas na franxa atlántica.
A cota de neve irá descendendo progresivamente ata situarse arredor dos 1.200 metros ao final da xornada. As temperaturas experimentarán un ascenso entre lixeiro e moderado, mentres que o vento soprará forte do suroeste, con refachos moi fortes no terzo norte do país e nas zonas altas.
Atención xoves 08
Agárdanse refachos de vento superiores aos 80 km/h na metade norte de Galicia e en zonas elevadas, polo que se recomenda extremar as precaucións, especialmente nas áreas máis expostas.
O noso mar: Vento do sudoeste á mañá, do sudoeste á tarde e do oeste á noite, forza 4 a 5 á mañá e á noite e 5 a 7 á tarde. Forte marusía á mañá e á noite e media vaga á tarde. Visibilidade regular á mañá, mala á tarde e boa á noite. Mar de fondo do noroeste, con ondas de 0.5 a 1.5 metros á mañá e á tarde e 1.5 a 2.5 metros á noite.
