A gasolineira de Muros situada no núcleo de Baño foi obxecto dun roubo este xoves 29 de marzo, a primeira hora da mañá e xusto no intre en que a traballadora da estación se dispuña a abrir as portas do negocio descubrindo que o temporal deixara o mesmo sen luz. No momento en que tento comprobar o cadro de luces foi cando entraron os asaltantes (tres, un no coche agardando e os outros dous entrando no local) perpetrados cun bate de béisbol e coas caras cubertas, esixíndolle que lles entregara o diñeiro da caixa.
O roubo, que quedou rexistrado polas cámaras de gasolineira (onde se aprecia a violencia exercida sobre a traballadora), saldouse cos asaltantes fuxindo do lugar cos cartos que había nese intre na caixa rexistradora (ante a imposibilidade de acceder á caixa forte). Segundo confirmaron os propietarios da estación, a cantidade de diñeiro substraída roldo os 300 euros. Da investigación do roubo estase a encargar a Garda Civil, pero dende medios como a TVG fixeron saber que “o vehículo dos asaltantes fora roubado o domingo en Carballo”.
