Os alcaldes de Rianxo e Boiro, Julián Bustelo e José Ramón Romero, mantiveron unha xuntanza de traballo impulsar a construción dun centro compartido de acollida de animais abandonados.
O centro, que tería unha superficie útil total superior aos 400 metros cadrados, “contaría con canís e gateiras de abondo para atender a demanda existente”, informaron, engadindo que tamén contará cun deseño modular que permitiría levar a cabo futuras adaptacións no caso de que resultara necesario un espazo maior.
“A existencia deste espazo non só abarataría enormemente os custos do servizo ao non ter que desprazar os animais a puntos máis afastados, senón que tamén evitaría que os donos dos animais extraviados se tiveran que desprazar a outras localidades a recoller as súas mascotas”, sinalaron.
No caso de Rianxo, no ano 2025 recolléronse máis de 70 animais abandonados e na actualidade máis de medio cento están nun centro de acollida agarando a seren adoptados. O servizo de recollida de animais abandonados supón un custo de aproximadamente 85.000€ anuais para as arcas municipais.
