O Centro Cultural da Capela (Araño) acollerá o vindeiro domingo 11 de xaneiro a presentación do libro Ríos de Mosaicos, do escritor local Ramón Torrado Romero, publicado por Medulia Editorial.
A presentación correrá a cargo do propio autor, acompañado polo poeta Manuel López Rodríguez. Haberá tamén unha actuación musical do Dúo Minguante.
Ríos de Mosaicos é unha colección de pequenas historias que se desenvolven en distintos séculos e países.
Ramón Torrado Romero (Xens – Araño, Rianxo, 1966) é profesor e escritor. A súa formación desenvolveuse entre Galicia, Euskadi e os Estados Unidos, experiencias que lle achegan unha visión ampla e diversa tanto na docencia como na creación literaria.
Publicou previamente Rebeca no val das sombras ardentes (Editorial Toxosoutos, 2018), Torino (Axóuxere, 2021) e A petición de Auli (Belagua, 2023). Ademais, colabora habitualmente con artigos de opinión e análise en medios como Galicia Confidencial.
