O vindeiro luns, 5 de xaneiro, Porto do Son volverá a encherse de luz, maxia e ilusión coa tradicional visita das Súas Maxestades Os Reis Magos de Oriente, que percorrerán distintas parroquias do municipio para saudar ás nenas e nenos sonenses.
A comitiva real iniciará o seu percorrido pola mañá, cunha ruta que fará parada en:
- Miñortos (Igrexa): de 10:00 a 10:20 h
- Portosín (Praza do Curro): de 10:35 a 11:00 h
- Nebra (Local Parroquial): de 11:30 a 11:50 h
- Visita ao Centro de Día de Porto do Son
- Noal (fronte á fonte de Cabanela): de 12:10 a 12:30 h
- Queiruga (Casa da Cultura): de 13:25 a 13:45 h
Pola tarde, as Súas Maxestades continuarán o percorrido con novas paradas en:
- Caamaño (Casa da Cultura): de 15:45 a 16:05 h
- Xuño (Casa da Cultura): de 16:20 a 16:40 h
- San Pedro (Casa da Cultura): de 16:55 a 17:15 h
A gran Cabalgata de Reis partirá ás 18:15 horas desde a fachada marítima de Porto do Son, nun desfile cheo de música, luces e fantasía co que se porá o broche de ouro a unha xornada moi especial.
O Concello de Porto do Son organiza esta actividade coa colaboración da veciñanza, das ANPAS e das asociacións locais. Todos os horarios anunciados son orientativos.
