A AER (Asociación de Empresarios de Ribeira) celebrou este mércores 7 de xaneiro o último sorteo da súa Campaña de Nadal, a través do cal repartíronse 2.000 euros en vales de compra, poñendo o foco unha vez máis no apoio ao comercio local e constatando o éxito total da campaña en materia de implicación e participación.
A patronal explicou que “só durante a última semana da iniciativa rexistráronse 5.517 tíckets na páxina web, unha cifra que reflicte a gran acollida do sorteo final e o gran nivel de participación alcanzado nos últimos días da campaña”.
En total, foron sorteados 6.000 euros en vales de compra.
Algúns dos gañadores e establecementos
2 vales de 200€
Carmen Araoujo- Trastiños
Vanesa Sampedro- Os Nenos
6 vales de 100€
María Jose Vila- Rule’s
Francisca Hermo- Calzados Horacio
Connie Baña- Mmagoe
Vanesa Fernández- Spar Express Palmeira
María Pérez- Tiendas Cosmos
María Dolores Martínez – Multiópticas
E 20 vales de 50 euros
Valoración positiva
Os empresarios fixeron saber que a campaña Nadal en Ribeira rexistrou un total de 17.510 participacións, confirmando o éxito da iniciativa e o apoio ao comercio de proximidade durante este período festivo. Engadiron que o sistema de sorteos semanais de vales permitiu que os premios se utilizasen directamente nos establecementos locais, contribuíndo a dinamizar a actividade comercial. Ademais, apuntaron, “a participación foi moi positiva, destacando a boa acollida deste novo formato tanto por parte da cidadanía como de moitos dos comercios participantes”.
“Desde a Asociación agradecemos a implicación de todos os participantes e dos comercios colaboradores, cuxa implicación é clave para seguir fortalecendo o comercio local en Ribeira”, sinalaron.
