O vindeiro luns 2 de febreiro, ás 19:00 h, o salón de actos do IES Virxe do Mar acollerá a presentación do libro colectivo de poemas Vergüenza ajena, unha obra creada por alumnas e profesores do centro.
Este libro nace do Escapril, unha iniciativa poética que propón escribir un poema cada día do mes de abril a partir de ideas guía, e que foi adaptada no instituto grazas ao traballo do profesorado.
O resultado é unha coidada selección de textos que amosan o talento, a creatividade e a sensibilidade literaria da comunidade educativa.
Tras o éxito dunha presentación anterior, na que tamén participou alumnado doutros centros, o público puido experimentar de primeira man o proceso creativo, escribir os seus propios poemas e compartir un faladoiro poético arredor da obra e das súas autoras.
Lugar: Salón de actos do IES Virxe do Mar
Hora: 19:00 h
Entrada: de balde
Exemplares á venda: 10 € (con posibilidade de dedicatoria)
Trátase “dunha cita cultural que pon en valor a creación literaria feita nas aulas e o papel da educación como motor cultural”, informou o Concello.
