Dende esta semana o establecemento Trastiños Puericultura, en Ribeira (para praza Uxío Novoneyra), é o punto de venda físico do Calendario Solidario 2026 da asociación inclusiva Ambar en Santa Uxía: unha importante e útil publicación da asociación con sede en Frións con fotos de grandes series realizadas por Pichero Estudio Fotográfico. Os prezos son os seguintes: 7 euros para o modelo de parede e 3,50 euros para o modelo de mesa.
Dende Ambar lembran que ademais da posibilidade de mercalo en tenda física, hai outras formas de adquirir o calendario web de Ambar (con pedido en liña e envío a domicilio), por teléfono (981 874 480) ou ben por correo electrónico (correo@asociacionambar.org).
A compra do calendario, informan dende Ambar, é moito máis que unha sinxela adquisición: “É un directo para o traballo de inclusión social e laboral que facemos cas persoas con diversidade funcional”, sinalan.
A nova publicación, como dixemos, está adicada ao mundo das series de ficción e busca novamente visibilizar o talento das persoas usuarias da entidade.
O Calendario Solidario 2026 é froito dun intenso traballo creativo entre o fotógrafo Pichero e Ambar onde os participantes recrearon as cartelas das seguintes series: Asalto al Banco Central, Atasco 2, Matices, En Fin, El Jardinero, Allí Abajo, La Ley del Mar, Respira, Furia, Las Abogadas, La Mesías e Animal.
Para a súa publicación, a asociación inclusiva do Barbanza quixo agradecer o apoio do Concello da Pobra do Caramiñal (que habilitou o Teatro Cine Elma para a presentación do calendario) e dos patrocinadores que fixeron posíbel este proxecto: Serdeco, Coyamar, Mobalco, Río Blanco, Solarz, Zeta, Fripusa, Avogado Pablo Ferreirós Vidal, Cepsa Santa Uxía de Ribeira, Marxe Artes Gráficas, Electro Vidal, García Sánchez, A Poutada, Alvarez Riveira e Pichero Estudio Fotográfico.
