A AC Fouleada e o Concello de Muros organizaron un amplo programa de actividades festivas e de lecer para recibir e acompañar, este luns 5 de xaneiro en boa parte do concello muradá, ás Súas Maxestades os Reis Magos de Oriente.
Pola mañá, a comitiva do Carteiro Real percorreu por última vez a vila para recoller as cartas aínda pendentes.
A partir das 15:00h comezou a formarse a comitiva na Escola de San Xosé.
As 17.30h, partiu a espectacular Cabalgata desde Laxeiras ata o Curro da Praza.
Foi, en palabras da alcaldesa María Lago, “unha gran mostra de agarimo do pobo de Muros cara as Reis Magos”.
Lembrar que estivo habilitada unha zona silenciosa para persoas neurodiverxentes: para aquelas persoas con necesidades sensoriais, ou que prefiran desfrutar do desfile sen ruído, habilitouse un treito sen música, que foi desde o IES Fontexería ata a rotonda da Tremenda.
