O luns 5 de xaneiro quedaremos baixo a influencia dun corredor de ventos do norte, xerado pola disposición das altas presións no Atlántico e das baixas presións ao leste, que arrastrará unha masa de aire frío con certa inestabilidade atmosférica.
Nas Rías Baixas agárdase unha xornada con ceos pouco nubrados ou con intervalos de nubes. Posibilidade de chuvascos débiles pola tarde. As temperaturas experimentarán un lixeiro descenso, con ambiente frío ao longo do día, acentuado polo vento do norte, que soprará moderado a forte no litoral, incrementando a sensación térmica. Temperaturas máximas ao redor de 7–8 °C e mínimas baixando ata 1–2 °C pola mañá.
En Santiago de Compostela, pola contra, haberá maior presenza de nubosidade, especialmente durante a mañá e a tardiña. Non se descartan chuvascos febles e ocasionais, aínda que serán pouco persistentes. As temperaturas situaranse en valores baixos para a época do ano, con xeadas débiles nas primeiras horas do día. As temperaturas oscilarán entre 0–2 °C pola mañá e uns 6–7 °C de máxima.
A cota de neve baixará ata arredor dos 500 metros, polo que poderán rexistrarse nevadas en zonas altas do interior. O vento do norte, tamén moderado, contribuirá a unha sensación térmica invernal en toda a comunidade.
Esta situación meteorolóxica deixará un inicio de semana marcado polo frío, o vento e un ambiente plenamente invernal en boa parte de Galicia.
O noso mar; Vento do nordés á mañá, do norte á tarde e do norte á noite, forza 2 a 4 á mañá e á noite e 5 a 6 á tarde. Marusía á mañá e á noite e forte marusía á tarde. Visibilidade boa. Mar de fondo do noroeste á mañá e á tarde e oeste á noite, con ondas de 0 a 1 metros
