Galicia continuará un día máis baixo os efectos residuais da borrasca Francis, situada ao sur da península Ibérica, e do anticiclón localizado ao oeste de Irlanda. Esta combinación manterá unha situación atmosférica de contraste, con ceos máis nubrado canto máis ao sur, aínda que en xeral o tempo permanecerá seco.
No extremo norte poderanse rexistrar algúns chuvascos ocasionais, mentres que nas restantes áreas predominarán as nubes sen precipitacións significativas. As temperaturas descenderán de maneira notable ao longo da xornada, con xeadas previstas no interior da comunidade (2 graos de mínima no interior e 11 de máxima na costa).
Os ventos soprarán con forza do nordés, especialmente no litoral norte e nas zonas altas do interior, onde poderán acadar refachos intensos durante as primeiras horas do día.
O noso mar: Vento do nordés, forza 6 a 7 á mañá, 5 a 7 á tarde e 5 a 6 á noite. Media vaga á mañá e á tarde e forte marusía á noite. Visibilidade regular á mañá e boa á tarde e á noite. Mar de fondo do oeste, con ondas de 1 a 1.5 metros á mañá e 0.5 a 1 metros á tarde e á noite.
