O Concello de Rianxo informou estes días da recente renovación do parque móbil da Policía Local de Rianxo.
O propio alcalde Julián Bustelo explicou que os novos vehículos están dotados de Desfibriladores Externos Semiautomáticos (DESA), un dispositivo que permite actuar dunha maneira inmediata ante unha parada cardiorrespiratoria.
O persoal da Policía Local participou este sábado 26 unha xornada formativa en Soporte Vital Básico (SVB) e uso de DESA. Foi unha sesión formativa de reciclaxe en primeiros auxilios e sobre a utilización de desfibriladores externos semiautomáticos (DESA), que foi impartida polo técnico Mariano Moares, para así poder garantir unha resposta máis eficaz ante calquera emerxencia.
Ademais tamén se actualizaron coñecementos sobre a realización de probas de alcohol e drogas, para reforzar a seguridade viaria no concello.
