O venres 26, Santo Estevo, estará marcado polo predominio da influencia anticiclónica, aínda que se deixará notar o paso dun pequeno centro de baixas presións que se despraza polo litoral atlántico cara ao sur. Esta situación dará lugar a ceos con alternancia de nubes e claros.
Espéranse chuvascos, máis probables durante a mañá na comarca, que poderán ser de neve en cotas arredor dos 700 metros. As temperaturas mínimas sufrirán un lixeiro descenso, con xeadas no interior, mentres que as máximas experimentarán un lixeiro ascenso ( 2 graos de mínima e 12 de máxima).
Os ventos soprarán de compoñente leste, en xeral frouxos, con intervalos de moderados.
O noso mar: Vento do sueste á mañá, do sueste á tarde e do leste á noite, forza 4 a 6 á mañá e 2 a 4 á tarde e á noite. Forte marusía á mañá, mar ovellado á tarde e marusía á noite. Visibilidade regular á mañá e boa á tarde e á noite. Mar de fondo do noroeste, con ondas de 1 a 1.5 metros á mañá e á tarde e 0.5 a 1.5 metros á noite.
