O Concello de Noia vén de adxudicar a iluminación ornamental do Nadal, San Marcos e San Bartolomeu para os vindeiros 2 anos por 55.000€ anuais.
Segundo informaron dende o Goberno local isto implica o vindeiro remate dos contratos irregulares e un aforro económico importante para as arcas municipais, ao que se engade unha mellor e máis eficaz iluminación das diferentes contornas da vila e o concello e unha mellor planificación das campañas festivas.
“Poñemos orde na contratación, cumprimos coa legalidade e melloramos o servizo para toda a cidadanía”, destacou o concelleiro de Facenda, Manolo Seijas.
