Galicia estará este día de Nadal, Natividade de Xesucristo, baixo o predominio da influencia anticiclónica, aínda que coa chegada dunha fronte nas últimas horas da xornada. Esta situación deixará ceos con intervalos de nubes e claros, con posibilidade dalgún chuvasco ocasional, máis probable no terzo norte do territorio.
Xa pola noite, as precipitacións estenderanse á metade oeste, podendo ser en forma de neve por riba dos 500-600 metros de altitude. As temperaturas experimentarán un descenso xeneralizado, máis acusado nas máximas(3 graos a 12). Os ventos soprarán moderados do nordés, con intervalos fortes no litoral atlántico.
O noso mar; Vento do nordés á mañá, do norte á tarde e do sur á noite, forza 5 a 7 á mañá e 2 a 3 á tarde e á noite. Media vaga á mañá e mar ovellado á tarde e á noite. Visibilidade boa á mañá e á tarde e regular á noite. Mar de fondo do noroeste, con ondas de 1 a 2 metros.
