Precipitacións persistentes localmente fortes na costa.
A semana comezará en Galicia coa chegada dunha fronte fría bastante activa. As precipitacións iniciaranse durante a mañá polo oeste e iranse estendendo ao resto da Comunidade ao longo das horas centrais do día. As chuvias poderán ser localmente fortes na franxa atlántica e, xa pola noite, quedarán en forma de chuvascos máis intensos no norte.
Nos cumios máis elevados, as precipitacións poderán caer en forma de neve. As temperaturas mínimas rexistrarán un moderado ascenso, mentres que as máximas experimentarán un lixeiro descenso.
Os ventos soprarán de compoñente sur ao comezo da xornada, con intervalos fortes no litoral, para virar a compoñente norte pola tarde, aumentando a súa intensidade cara ao final do día, especialmente na costa.
O noso mar: Vento do sudoeste á mañá, do noroeste á tarde e do norte á noite, forza 5 a 7 á mañá e á noite e 3 a 4 á tarde. Media vaga á mañá e á noite e marusía á tarde. Visibilidade regular á mañá e á noite e mala á tarde. Mar de fondo do noroeste, con ondas de 2 a 3 metros á mañá e 2.5 a 3.5 metros á tarde e á noite.
