A situación este derradeiro día do ano San Silvestre, manterase sen cambios, coa presenza de altas presións ao norte que seguirán garantindo estabilidade atmosférica en toda Galicia. A mañá comezará con bancos de néboa moi extensos no interior, que se irán disipando de maneira lenta co avance das horas.
A partir do mediodía, os ceos quedarán pouco anubrados, con presenza de nubes altas que darán paso a nubes medias ao final do día. As temperaturas mínimas non experimentarán variacións significativas e volverán rexistrarse xeadas nas zonas interiores, mentres que as máximas descenderán lixeiramente (4 a 14 graos). Os ventos soprarán frouxos, predominando a compoñente leste, sen incidencia destacable.
O día 1 de xaneiro, San Manuel, traeranos choiva a medida que avance o día coa chegada da baixa Francis.
O noso mar: Vento do leste á mañá, variable á tarde e do sueste á noite, forza 2 a 3 á mañá e á noite e 1 a 2 á tarde. Mar ovellado á mañá e á noite e mar rizado á tarde. Visibilidade boa. Mar de fondo do noroeste á mañá e á tarde e oeste á noite, con ondas de 0.5 a 1 metros á mañá e á tarde e 0 a 0.5 metros á noite.
