Este domingo 14 de decembro Noia será unha destacada celebración gastronómica. O motivo non é outro que a festa de degustación do Berberecho (VIII edición das Xornadas de Exaltación do Berberecho de Noia), que se celebra na Alameda en clave solidaria a partir das 13.00 horas, con produtos frescos de primeira calidade achegados pola Confraría San Bartolomé de Noia. Haberá menú de degustación con empanadas de trigo, empanadas de millo e arroz con berberechos. O donativo será de 5 de euros e dirixirase a apoiar a actividade de Cáritas e Cruz Vermella de Noia.
“Arroupados polo Nadal, celebraremos unha gran festa de degustación popular, onde poderemos gozar de sabores tradicionais feitos con produto da nosa ría”, explicaron dende a organización (a Confraría de San Bartolomé coa colaboración do Concello e outras entidades).
