Esta fin de semana rematan as funcións do II Ciclo Cultural Infantil Itinerante de Porto do Son. Faino co espectáculo O mundo máxico de Pinocho,de Educateatro Producións. Nesta obra, o público atoparase cunha curiosa adaptación ao teatro musical do clásico de Carlo Collodi. Unha historia contada a través dos ollos de Pepiño Grilo, que xunto coa fada Mimadriña, Raposo e Gato acompañará a Pinocho no camiño de converterse nun neno de verdade. Un camiño que comeza no taller de Gepetto e que pasará pola escola, por un circo de monicreques onde un malvado titiriteiro tentará raptalo e ata pola barriga dun peixe xigante. Todo para que o protagonista aprenda que dicir mentiras ten as súas consecuencias.
A cita é este domingo 30 de novembro na Casa da Cultura de Porto do Son ás 18:00 horas.
A recollida de convites pode efectuarse na Casa da Cultura de Porto do Son, na Casa da Cultura de Portosín e na Casa da Cultura San Pedro de Muro. Para máis información, podedes contactar nos teléfonos 981 76 77 58 ou 604 026 138.
