A proximidade dos restos da borrasca Claudia, situados moi preto do noroeste peninsular e en desprazamento cara ao sur, deixará este domingo 16, Santa Inés eSanta Margarida, unha xornada marcada pola inestabilidade atmosférica en toda Galicia.
Agárdanse ceos maioritariamente nubrados e precipitacións máis activas no oeste, onde as choivas poderán ser localmente fortes e puntualmente tormentosas. Nas demais zonas, tamén se rexistrarán episodios de precipitación, aínda que de forma máis irregular.
As temperaturas manteranse sen cambios significativos, tanto nas máximas como nas mínimas.
O vento, de compoñente sur, soprará con forte intensidade a primeira hora, especialmente no litoral e en zonas altas, para ir amainando co avance da xornada.
O luns teremos circulación do nordés, xornada de ceos con nubes e claros en xeral, empezan a baixar as temperaturas.
PROGNÓSTICO PARA AS DÚAS PRÓXIMAS SEMANAS
O noso mar: Vento do sudoeste á mañá, do sudoeste á tarde e do leste á noite, forza 4 a 6 á mañá, 3 a 4 á tarde e 2 a 3 á noite. Forte marusía á mañá e mar ovellado á tarde e á noite. Visibilidade mala á mañá, regular á tarde e boa á noite. Mar de fondo do noroeste, con ondas de 1.5 a 2.5 metros.
