A Banda Municipal de Música do Concello de Outes vai celebrar esta fin de semana o seu 40 aniversario: as súas catro décadas de andaina achegando formación e interpretación musical dende Outes e, tamén dinamizando e enriquecendo a actividade cultural e social do concello. A cita será este sábado 22 ás 18.00 horas na praza de Galicia da Serra, diante do colexio. A festa está aberta a veciños e visitantes e inclúe un convite a antigos integrantes da Banda a sumarse á celebración. Haberá carpa pechada e cadeiras. Organiza a Banda Municipal co apoio do Concello.
