Xa está aberto o prazo de inscrición na XI Carreira Popular Concello de Rianxo, proba pertencente ao Circuíto de Carreiras Barbanza Arousa e ao Circuíto Provincial de Carreiras Populares da Deputación da Coruña.
O prazo de inscrición estará aberto até o 28 de outubro, até completar as prazas dispoñíbeis.
A cita será o 1 de novembro a partir das 10:45 h, con saída da praza de Castelao.
Quen precise máis información ou formalizar as inscricións pode visitar Emesports.es.
A proba está incluída no Calendario Oficial da Federación Galega de Atletismo e nos seguintes circuítos:
-XI Circuíto Provincial de Carreiras Populares, promovido pola Deputación da Coruña.
-VIII Circuíto Carreiras Populares Barbanza Arousa, promovido e organizado polos Concellos que forman parte da Mancomunidade Arousa Norte: Boiro, Rianxo, A Pobra do Caramiñal e Ribeira.
Haberá tres modalidades para participar: absoluta, escolares e sapatilla inclusiva.
A proba está organizada polo Concello de Rianxo e o Club Atletismo Rianxo.
