O Concello de Boiro retoma os Intercambios Lingüísticos para o curso 2025-2026. Unha actividade que se vai desenvolver todos os luns en horario de 17.00 a 19.00 horas no Centro Social de Cabo de Cruz.
O obxectivo desta iniciativa é facer uns grupos de debate en distintas linguas e así poder compartir o idioma e a cultura dos distintos países en función das persoas participantes.
A proposta xurdiu dos equipos de normalización e dinamización lingüística de centros educativos e de estudantes de Erasmus que buscan aprender galego e español ademais de compartir a súa lingua con aqueles que desexan reforzar, practicar ou aprender outros idiomas.
O grupo reúnese todos os luns e as inscricións para participar poden formalizarse mediante teléfono 981 84 84 25.
