Este sábado, con ceos despexados e lixeiro ascenso das temperaturas
A situación meteorolóxica permanecerá estable durante a xornada do sábado 11, Nosa Señora de Begoña, , coa influencia do anticiclón centrado ao norte de Galicia e a presenza de aire frío en altura sobre a Península Ibérica.
En xeral, os ceos estarán pouco nubrados ou despexados, aínda que se formarán bancos de néboa matinal no interior e nubes de evolución pola tarde na metade sur, que poderán deixar algún chuvasco illado, localmente treboento na provincia de Ourense.
As temperaturas mínimas manteranse sen cambios, mentres que as máximas experimentarán un lixeiro ascenso, favorecendo unha sensación térmica máis suave.
O vento soprará frouxo do leste-nordés, con intensidade moderada no litoral norte e refachos fortes na zona de Bares durante a mañá.
DOMINGO SEN CAMBIOS , SOL E TEMPERATURA ALTA,
O noso mar: Vento do leste á mañá, do norte á tarde e do nordés á noite, forza 2 a 3 á mañá e á noite e 1 a 3 á tarde. Mar ovellado. Visibilidade boa. Mar de fondo do noroeste, con ondas de 0.5 a 1 metros
