O Grupo de Emerxencias e Protección Civil Municipal de Ribeira (GAEM) informou dunha intervención de seguridade cidadá realizada na parroquia de Oleiros. Segundo comunicou o grupo, este 30 de setembro os efectivos do GAEM e a dotación do Parque de Bombeiros de Ribeira (Consorcio Provincial) neutralizaron un niño de vespa velutina no interior dunha cheminea nunha casa na parroquia de Oleiros.
A vespa velutina ou vespa asiática é unha perigosa especie invasora que ademais de achegar riscos para a poboación, diminúe a poboación de abellas e vespas autóctonas, cos problemas ambientais que isto carrexa ao frear a necesario polinización, alén de mermar a produción de mel.
Recoméndase á poboación que de localizar un niño se poñan en contacto co servizo local de Protección Civil ou co 112.
Informar tamén que os bombeiros do Parque de Boiro retiraron nestes comezos do outono niños de vespa velutina en vivendas de Boiro, Rianxo e Dodro.
