No ano 1986, España celebrou un referendo sobre a súa permanencia no seo da Organización do Tratado do Atlántico Norte (OTAN) cuxo acceso tanto custara no seu tempo ao socialista Felipe González, na súa condición de presidente de España.
A resposta maioritaria da cidadanía española con dereito a voto a esa consulta foi netamente favorable á continuidade que agora, no seu segundo mandado coma presidente dos Estados Unidos, Donald Trump tenta interromper.
Así o manifestou o xoves -antes de que se decidira en Suecia a gañadora do premio Nobel da Paz que arelaba o propio Trump- ao sinalar nunha das súas moitas absurdas propostas, que “se debería formular a expulsión de España da OTAN”.
Deixando ben sentado o meu desinterese por esa pertenza -talvez o mellor xeito de recuperar a soberanía nacional sobre as bases de Rota e Torrejón de Ardoz- ei dicir que penso que unha boa parte, senón a maioría dos españois, darían por boa a ruptura desta dependencia actual que España ten do organismo militar que conta con Donald Trump coma comandante en xefe (no sei ata cando).
É tan soberbio e ignorante (recoñezo que é unha miña persoal crenza) o señor Trump, que descoñece que o Artigo 13 dese tratado establece que o único xeito de abandonar a OTAN é vontario, mediante unha notificación formal do Goberno de Estados Unidos.
Non existe ningún mecanismo de expulsión nen cláusulas que permitan suspender ou excluir a un país por incumprimento de compromisos políticos, militares ou financeiros.
A saída vontaria da OTAN require ter pasados polos menos 20 anos desde a adhesión e un prazo de 12 meses desde a notificación ata que a saída sexa efectiva.
Nos 75 anos de historia da OTAN, ningún país foi expulsado do seu seo. Obviamente a negativa a Trump do Nobel da Paz debe ser para el un duro golpe á súa vaidade. Pero seguro que a recupera aplicando máis altos aranceis ao xamón, unha carne de cocho que nós temos en alto aprecio e que en USA se paga a bo prezo.
A OTAN baséase no principio de consenso: calquera troco no tratado require unanimidade. A carne de cocho só é cuestión de saber valorar o porco. Amiguiños polo seu prezo.
