Este ano, non. E, case que seguro, o ano próximo tampouco: Donald Trump chorará unha outra vez amargamente a perda do premio Nobel da Paz por segundo ano consecutivo, debido a que as tropas do seu amjgo Netanyahu non deixan de matar nenos palestinos cando viaxaban nun minibús cara a súa casa no barrio gazatí de Zeitún. Entre as 11 vítimas (todas elas membros dunha familia) figuran sete cativos. Todos foron acribillados no día que se cumpriu unha semana do alto o fogo nos ataques israelís á franxa de Gaza. Sete días que dejxan un balanzo de 38 gazatís mortos e 143 feridos.
Membros de Defensa Civil non foron quen de recuperar os corpos de dous dos sete nenos que viaxaban no minibús ata onte, case 24 horas despois de perpetrado o ataque por militares de Israel. Os seus corpos estaban destrozados e os cans xa comeran partes deles, xunto ao cadáver partido en dous dun pequeno.
Esta é a paz coa que Trump pretendía gañar o Nobel. Hamás denunciou o venres que Israel violara en 47 ocasións o acordo de alto o fogo con distintos ataques á poboación e algunhas detencións.
A BBC recompilou informacións que evidencian que máis de 160 nenos recibiron disparos na guerra de Gaza entre o comezo do conflito en outubro de 2023 e xullo deste ano. Algúns deses disparos foron realizados por francotiradores.
Israel prohibe aos xornalistas estranxeiros entrar en Gaza pola súa conta
