O grupo municipal do BNG leva ao pleno unha moción para paralizar o cobro das liquidacións provisionais remitidas aos propietarios e propietarias do Plan Parcial de Barraña (SURPP B1 e B2).
A portavoz Raquel Suárez Regades pide que sexa revogado o acordo da xunta de Goberno local do 23 de xuño e se convoquen reunións informativas cos afectados, así como medidas de aprazamento ou fraccionamento dos pagos para evitar, sinala, “cargas inasumíbeis para a veciñanza”.
Sinalan tamén que “de existir, no futuro, calquera outro tipo de liquidación de gasto que afecte ás propietarias e propietarios, se leven a cabo polo Concello de Boiro reunións informativas tendentes a evitar o cobro sorpresivo de importes, en moitos casos imposíbeis de asumir, para as veciñas e veciños do municipio, artellando asemade medidas de aprazamento ou fraccionamento no pago dos importes reclamados que na medida do posíbel non supoñan maiores gastos para os e as titulares de parcelas incluídas no Plan Parcial de Barraña”.
