A Asociación de Nais e Pais da Escola de Nebra e a Comisión de Festas de Nebra, en colaboración co Concello de Porto do Son, van celebrar ao grande a festividade deste sábado 1 de novembro, Día de Tódolos Santos, cunha gran festa de Samaín que inclúe, a maiores, un magosto.
Será este sábado na Casa Veciñal de Nebra, en horario de tarde, de 17.00 a 20.00 horas, e incluirá actividades musicais, photocall, pintacaras, doces e castañas e o sorteo dunha cesta de agasallos.
A festa, unha cita familiar para nenos e maiores, inclúe un convite ás persoas participantes a ataviarse cun disfrace arrepiante.
A partir das 20.00 horas celebrarase unha gran churrascada amenizada polo dúo Keima.
A vertente musical prolongarase logo con DJ Cobas, que porá o punto e final á festa de Samaín da parroquia de Nebra.
