Volven os Talleres de Memoria para Persoas Maiores do Concello de Porto do Son, impulsados para achegar sesións de estimulación cognitiva á poboación sénior do termo municipal e mellorar a súa autonomía e o seu apoderamento, e tamén a súa calidade de vida. O servizo, orientado a persoas maiores de 55 de anos, é de balde pero con prazas limitadas.
As persoas interesadas en participar deberán inscribirse na Concellería de Benestar Social a través do teléfono 981 86 74 14. As sesións desenvolveranse os mércores no Club de Xubilados de Porto do Son (en dúas quendas: de 10 a 11 horas e de 11 a 12 horas) e nas Casas da Cultura de San Pedro (os venres ás 9.30), de Xuño (os venres ás 10.30 horas) e de Caamaño (os venres ás 11.30 horas).
Os obradoiros son impulsados cada ano pola Área de Benestar Social do Concello e van orientados, como dixemos, a persoas maiores de 55 anos dos diferentes núcleos do termo municipal. Inclúen actividades de traballo, participativas e creativas para mellorar a calidade de vida das veciñas e veciños das parroquias e para mitigar e combater o deterioro cognitivo asociado á idade.
