Galicia quedará este venres, San Cosme e San Damián, nunha situación intermedia entre altas e baixas presións, co ex-furacán Gabrielle movéndose polo Atlántico.
Agárdanse néboas matinais nas zonas do interior, que darán paso a ceos despexados, con entrada de nubes altas durante a tarde.
As temperaturas manteranse sen cambios ou con lixeiro descenso(23-25 graos máximas), mentres que os ventos soprarán frouxos de dirección variable, con predominio da compoñente oeste pola tarde.
O sábado estaremos na influencia da borrasca ex-Gabrielle. Agárdase unha xornada con nubes de tipo medio e alto, máis densas ao oeste, onde poderán producirse chuvias de intensidade moderada.
O noso mar; Vento variable á mañá, do sudoeste á tarde e do sur á noite, forza 1 a 2. Mar rizado. Visibilidade boa. Mar de fondo do noroeste, con ondas de 0.5 a 1.5 metros á mañá e 0.5 a 1 metros á tarde e á noite.
