O Concello de Rianxo vén de informar da saída a licitación do proxecto de ampliación das redes de abastecemento e saneamento nos núcleos de Or e Meiquiz, na parroquia de Leiro.
Dende o Consistorio sinalan que a actuación permitirá solucionar a evacuación de augas fecais a todas as edificacións do lugar e dotalas de conexión á rede municipal de abastecemento de auga. Ademais, renovarase por completo a rede viaria afectada polas obras.
O proxecto conta cun orzamento de 208.785,50€ e finánciase con cargo ao programa POS+ da Deputación da Coruña.
