A Plataforma en Defensa da Sanidade Pública no Barbanza volveuse concentrar novamente este xoves 18 de setembro ao mediodía no Centro de Saúde de Ribeira, co obxectivo de esixir unha vez máis a cobertura do cen por cen das prazas do persoal dos ambulatorios de Ribeira e Aguiño.
Máis en concreto, reclamouse a cobertura das prazas de médicas/os de familia en Ribeira.
A plataforma recalcou que a semana pasada que “neste momento hai tres 3 prazas de 14 estruturais sen cobertura, ademais das vacacións, e 3 prazas estruturais cubertas con contratos que finalizan o 20 e o 30 deste mes”.
Como de costume, a axenda incluíu a lectura de manifestos en defensa dun sistema sanitario público, universal e de calidade.
Na cita participou (entre outros/as) o alcalde Luís Pérez Barral, que lembrou que “levamos meses mobilizándonos en defensa dunha sanidade pública digna e de calidade” e que “o noso centro médico sofre unha falta crónica de profesionais, con moitos menos médicos dos que a veciñanza precisa e merece.”
