Quedaremos este luns nunha situación intermedia entre altas e baixas presións, con predominio dos ventos do norte. Espérase unha xornada de alternancia de nubes e claros, con chuvascos na metade norte, máis intensos no norte e leste da provincia de Lugo.
As temperaturas mínimas descenderán lixeiramente, mentres que as máximas se manterán sen cambios significativos, quedando en valores fríos para esta época do ano( 18-21 graos). O vento soprará moderado de compoñente norte.
O martes regresa o sol e temperaturas en lixeiro ascenso.
O outono no hemisferio norte comeza este luns 22 de setembro ás 20.19 horas
O noso mar; Vento do norte á mañá e á tarde e do nordés á noite, forza 3 a 4 á mañá, 4 a 5 á tarde e 3 a 5 á noite. Marusía á mañá e á noite e forte marusía á tarde. Visibilidade boa. Mar de fondo do noroeste, con ondas de 1.5 a 2.5 metros á mañá e á tarde e 1 a 2 metros á noite.
