O Concello de Noia abriu o proceso de inscrición para as Aulas de Teatro 2025-2026: unha proposta formativa, dinamizadora e de lecer cultural que permitirá ás persoas participantes descubrir o mundo da interpretación, divertirse e aprender novas habilidades.
As Aulas de Teatro do Concello de Noia estarán dirixidas polo profesor Jorge Gallardo. Celebraranse todos os martes con dous horarios: infantil (17:30h – 18:45h no Local de Ensaio) e adulto (19:00h – 20:30h no Local de Ensaio). As inscricións xa están abertas e poden facerse no rexistro de entrada no Concello de Noia. O prezo por trimestre é de 30 euros. Máis información no Concello de Noia.
