O Concello de Boiro iniciou as obras para conversión a céspede artificial o Campo de Mina, en Lampón. O alcalde, José Ramón Romero, e o concelleiro de Urbanismo e Obras, Luis Ruiz, visitaron na mañá deste 11 de setembro o lugar para coñecer o estado de execución das obras. Con esta actuación o que se busca é converter o actual terreo formado de árido e con desniveis importantes a un campo de fútbol de céspede artificial dunhas dimensións exteriores de 100×56 metros.
Ademais do propio terreo de xogo, instalaranse parabalóns e as varandas laterais, así como unha mellora dos accesos ao terreo de xogo.
Para levar a cabo esta actuación estase a realizar a retirada do material deportivo existente e demolición do muro, escavacións e movementos de terra para executar unha canle de formigón que recolla as augas da choiva, así como a instalación de colectores de saneamento e unha rede de drenaxe para instalar finalmente e rede de rego e o acabado con herba artificial. O orzamento total do proxecto ascende aos 673.325,59 euros e para levalo a cabo o Concello de Boiro conta co financiamento da Deputación da Coruña mediante o POS+ adicional.
