Galicia vivirá este xoves, San Agostino, unha xornada marcada pola inestabilidade. Durante o día agárdanse intervalos nubrados con precipitacións febles, illadas e ocasionais, máis probables pola mañá.
Co avance da noite, as choivas irán facéndose máis presentes, especialmente na metade oeste, onde se esperan precipitacións febles de carácter intermitente.
As temperaturas mínimas manteranse sen cambios ou con lixeiros descensos, mentres que as máximas baixarán de novo, quedando en valores máis baixos do habitual para esta época do ano.(20-24).
En canto ao vento, soprará de compoñente oeste, en xeral frouxo a moderado, pero incrementará a súa intensidade durante a tarde, sobre todo nas zonas costeiras.
O noso mar: Vento variable á mañá, do sudoeste á tarde e do sur á noite, forza 2 a 3 á mañá e á tarde e 3 a 4 á noite. Mar ovellado á mañá e á tarde e marusía á noite. Visibilidade regular á mañá, boa á tarde e mala á noite. Mar de fondo do noroeste, con ondas de 2.5 a 3 metros á mañá e á noite e 2 a 3 metros á tarde.
