Dotacións de bombeiros do Consorcio Contra Incendios e Salvamento de A Coruña con base en Boiro e Ribeira actuaron en accidente con atrapados en Leiro, no concello de Rianxo. Fixérono en estreita colaboración coa Policía Local de Rianxo e Protección Civil Rianxo, 061, H3, os sanitarios do Centro Saúde e a Garda Civil. Grazas ao operativo foi evacuado un home ao Hospital Clínico de Santiago en helicóptero. O sinistro aconteceu sobre as 11.30 horas deste martes 19 de agosto na DP-3301 ao seu paso polo núcleo de Palleiro, en Leiro. O accidente consistiu nunha colisión frontal entre os dous coches implicados: un Citroën Xsara e un Nissan Navara. O primeiro dos vehículos quedou sinistro e o seu ocupante tivo ser excarcerado para logo ser trasladado ao CHUS. O outro dos condutores implicados non sufriu apenas mancaduras.
