Este martes 19 de agosto praia Xardín (en Boiro, a carón do Edificio das Colonias) vai dar acollida a un espectáculo infantil e familiar: H2…Oh!, de Teatro Ghazafellos. Será ás 12.00 horas e de entrada libre.
H2…Oh! é un laboratorio científico teatralizado; unha proposta chea de curiosidades científicas e humor dirixida a todos os públicos.
Baseada no libro homónimo de María Canosa gañador do Premio Follas Novas 2021 á mellor publicación de divulgación, a función H2…Oh! está protagonizada pola propia autora en calidade de divulgadora científica e o matrimonio Curie (Teatro Ghazafelhos). Entre as tres achegan información científica singular como, por exemplo, que os paxaros foron os inventores dos cascos ou porque o número Pi non remata nunca.
